ការប្រជុំបូកសរុបរបាយការណ៍ប្រចាំត្រីមាសទី១​ និងប្រជុំប្រចាំខែមេសា​ សម្រាប់ឆ្នាំ​ ២០២៥​ របស់ក្រុមប្រឹក្សាគណៈគិលានុបដ្ឋាកមន្ទីរពេទ្យកាល់ម៉ែត​។ រាជធានីភ្នំពេញ៖ នារសៀលថ្ងៃពុធ ៤កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី​ ៣០ ខែ​មេសា ឆ្នាំ២០២៥ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិអាណត្តិទី៣ បានអញ្ជេីញជាអធិបតី​ ចូលរួមបេីកការប្រជុំ បូកសរុបរបាយការណ៍ប្រចាំត្រីមាសទី១និងប្រចាំខែមេសា របស់ក្រុមប្រឹក្សាគណៈគិលានុបដ្ឋាកមន្ទីរពេទ្យកាល់ម៉ែត ដែលមានលោក​ ផាត់​ យ៉នភារ៉ាត​ ជាប្រធាន​ និងសមាជិកចំនួន​ ១០នាក់។ សម្រាប់បន្ថែមពីលេីគោលបំណងនៃការប្រជុំនេះ​ដែរ​ លោកប្រធាន​ បានសំណេះសំណាល​ និងសាកសួរពីស្ថានភាព​ វឌ្ឍនៈភាពការងាររបស់ក្រុមប្រឹក្សាគណៈគិលានុបដ្ឋាកមន្ទីរពេទ្យកាល់ម៉ែត​ ជាពិសេសលោកប្រធានបានពាំនាំប្រសាសន៍ដ៏ថ្លៃថ្លារបស់ឯកឧត្តមសាស្ត្រាចារ្យ ឈាង​ រ៉ា​រដ្ឋមន្ត្រីក្រសួងសុខាភិបាលដែលបានថ្លែងក្នុងពិធីអបអរសាទរទិវាឆ្មបជាតិ-អន្តរជាតិ ៥ ឧសភា ឆ្នាំ២០២៥​ គឺថា «ឆ្មបដើរតួនាទីសំខាន់ណាស់ ក្នុងការពិគ្រោះផ្តល់យោបល់ ផ្តល់សេវាថែទាំជូនដល់ស្រ្តីមានផ្ទៃពោះ