Select Page

ផែនការនៃការអនុវត្ត ASEAN MRA-NS នៅក្នុងប្រទេសកម្ពុជា

MRA-NS៖ ​មាគ៌ា​ដើម្បី​​ក្លាយ​ទៅ​ជា​គិលានុបដ្ឋាក​ដែល​ទទួល​ស្គាល់​ដោយសមាជិក​អាស៊ាន

ទីផ្សា​តែ​មួយ​របស់​អាស៊ាន​ផ្តល់​នូវ​សក្តានុពល​យ៉ាង​ខ្លាំង​សម្រាប់​ប្រទេស​​សមាជិក​អាស៊ាន​ដែល​​មាន​ការ​អភិវឌ្ឍន៍​តិច​តួច​​ដូច​ជា​ ប្រទេស​កម្ពុជា ខណៈ​ដែល​ពួក​គេ​អាច​ធ្វើ​ដំណើរ​ចូល​ក្នុង​ទី​ផ្សា​ក្នុង​តំបន់​កាន់​តែ​ងាយ​ស្រួល​ និង​បាន​ដឹង​ពី​ទំ​ហំ​នៃ​សេដ្ឋកិច្ច​។ បញ្ហា​នេះ​ក៍​ជា​បញ្ហា​ប្រឈម​ផង​ដែរ​​ពី​ព្រោះ​វា​តម្រូវ​​ឱ្យ​មាន​ការ​បង្កើន​ចំណេះ​ដឹង ជំនាញ និង​ការ​ច្នៃ​ប្រឌិត​នៃ​កម្លាំង​ពលកម្ម​របស់​ខ្លួន។

សម្រាប់​អាស៊ាន វិស័យ​ថែទាំ​សុខភាព​ជា​អាទិភាព​។ ​ប្រទេស​សមាជិក​អាស៊ាន​បាន​រំពឹង​ថា​នឹង​បង្កើន​ចំណាយ​លើ​សុខភាព​​ដើម្បី​ផ្តល់​​នូវ​សេវា​ថែ​ទាំ​សុខ​ភាព​ដែល​ប្រសើរ​ជា​ង​នេះ។​ ទោះ​ជា​យ៉ាង​ណា​ក៍​ដោយ​កង្វះ​ខាត​អ្នក​ជំនាញ​ផ្នែក​ថែ​ទាំ​សុខភាព​ដែល​មាន​សមត្ថភាព និង​ការ​ខ្វះ​ខាត​គិលានុបដ្ឋាក​​គឺ​ជា​ឧបសគ្គ​មួយ។​ នៅ​ក្នុង​ប្រទេស​កម្ពុជា មាន​គិលានុបដ្ឋាក​តិច​ជាង ០១​ (​មួយ) ឬ​ឆ្មប​ ដើម្បី​មើល​ថែ​​ប្រជាជន​ចំនួន​ ១,០០០នាក់​ បើ​ប្រៀប​ធៀប​ទៅ​នឹង​ប្រទេស​អាល្លឺម៉ង់គឺ​មាន​​ ១១ (ដប់មួយ) នាក់​។

 

នៅ​​គ្រប់​​ប្រទេស​​ទាំង​​ដប់​​ក្នុង​​សមាគម​​ប្រជាជាតិ​​អាស៊ី​​អាគ្នេយ៍ (អាស៊ាន) ​​ការងារ​​ពង្រឹង​​វិជ្ជាជីវៈ​​ថែទាំ​កំពុង​​ត្រូវ​បាន​អនុវត្ត​ឡើង​​។ រដ្ឋាភិបាល​​ប្រទេស​​នីមួយៗ​​បាន​​ចុះ​​ហត្ថលេខា​​លើ​​កិច្ច​​ព្រម​​ព្រៀង​ទទួល​ស្គាល់​គ្នា​ទៅ​វិញ​ទៅ​មកក្នុង​សេវា​​ថែ​ទាំ (MRA-NS)។

គោល​​បំណង​​ដែល​​បាន​​ព្រម​​ព្រៀង​​គ្នា​ដោយ​​រដ្ឋាភិបាល​​ប្រទេស​​នីមួយ​ៗ រួម​​ទាំង​​រាជរដ្ឋាភិបាល​កម្ពុជា​​បាន​​យល់​​ព្រម​​ថា៖

  • ធ្វើ​​ឱ្យ​​ប្រសើរ​​ឡើង​​លើ​​ស្តង់ដារ និង​គុណវឌ្ឍន៍​​វិជ្ជា​ជីវៈ​​ក្នុង​​ប្រទេស​​កម្ពុជា​​ដើម្បី​​អាច​​ផ្គូរ​​ផ្គង​ជា​មួយ​​បណ្តា​ប្រទេស​សមាជិក​​អាស៊ាន​​ផ្សេងៗ​ទៀត
  • ធ្វើ​​ឱ្យ​​ប្រសើរ​​ឡើង​​លើ​​សេវា​​ថែទាំ​​ប្រកប​​ដោយ​​វិជ្ជា​ជីវៈ​​នៅ​​ក្នុង​​ប្រទេស​​កម្ពុជា
  • ផ្តល់​​ឱកាស​បន្ថែម​ទៀត​ដើម្បី​​ធ្វើ​​ការ​​កសាង​​សមត្ថភាព​ និង​​ការ​​បណ្តុះ​បណ្តាល​គិលានុបដ្ឋាក​​នៅ​​ក្នុង​​ប្រទេស​​កម្ពុជា
  • ធ្វើ​​ឱ្យ​​មាន​​លក្ខណៈ​​ងាយ​​ស្រួល​​សម្រាប់​​គិលានុបដ្ឋាក​​កម្ពុជា​​ដែល​​មាន​​បរិញ្ញាប័ត្រ​វិទ្យាសាស្រ្ត​​​ថែ​ទាំ​​ដើម្បី​​ទៅ​​ធ្វើ​​ការ​​នៅ​​តាម​​បណ្តា​​ប្រទេស​​សមាជិក​អាស៊ាន​​ផ្សេងៗ​​ទៀត

នៅ​​​តាម​​បណ្តា​​ប្រទេស​​នីមួយៗ ស្ថានប័ន​ក្នុង​​វិស័យ​​សុខាភិបាល​​ដែល​​ទទួល​​ខុស​​ត្រូវ​​លើ​​ការ​អនុវត្ត​​ការងារ​​លើ​​គោល​​​បំណង​​ទាំង​​នេះ​​នៅ​​ក្នុង​​ប្រទេស​​កម្ពុជា​គឺ​​ គណៈ​គិលានុបដ្ឋាក​​កម្ពុជា​។ ​ គណៈ​គិលានុបដ្ឋាក​​កម្ពុជា​ គឺ​​ជា​​អ្នក​តំណាងឱ្យ​​ប្រទេស​​កម្ពុជា​​នៅ​ក្នុង​​កម្រិត​​អាស៊ាន​ ​ក្នុង​​គណៈ​​កម្មាធិកា​សម្រប​​សម្រួល​​រួម​​របស់​​អាស៊ាន​​ស្តី​​ពី​​ការ​​ថែ​ទាំ ដែល​​ហៅ​​កាត់​​ថា​ (AJCCN)​ ដែល​​ជា​​គណៈកម្មាធិកា​​​នៅ​​ក្រោម​​​ក្រុម​​ការងារ​​ផ្នែក​​សេវាកម្ម​​របស់​​អាស៊ាន​ ហៅ​កាត់​ថា (HSSWG) ដែល​​ធ្វើ​​ការ​​ពិភាក្សា​​លើ​​បញ្ហា​ដែល​​ជាប់​​ទាក់​​ទង​​នឹង​​ការ​​សម្រប​​សម្រួល​​នៃ​​កិច្ច​​សហប្រតិបត្តិ​ការ​​លើ​ MRA-NS។

គណៈ​គិលានុបដ្ឋាក​កម្ពុជា​ (CCN) ជា​​តួអង្គ​ដ៍​សំខាន់​លើ​ការ​អនុវត្ត​អាស៊ាន MRA-NS

គណៈ​គិលានុបដ្ឋាកកម្ពុជា​​​​ គឺ​​​ជា​​អាជ្ញាធរ​​ដែល​​ទទួល​​ស្គាល់​ស្រប​​ច្បាប់​​លើ​​សេវា​ថែ​​ទាំ​​សម្រាប់​​ប្រទេស​កម្ពុជា ​​ដែល​​ត្រូវ​​បាន​​បង្កើត​​ឡើង​​​ក្រោម​​ច្បាប់​​នៃ​​ព្រៈរាជាណាចក្រ​​កម្ពុជា​​ដើម្បី​​គ្រប់​​គ្រង​​លើ​គិលានុបដ្ឋាក​​​​ទាំង​​អស់​​នៅ​​ក្នុង​​ប្រទេស​​កម្ពុជា។ គណៈ​គិលានុបដ្ឋាក​​​​កម្ពុជា​ដឹក​​នាំ​​ដោយ​​អ្នក​​មាន​វិជ្ជាជីវៈ​​ថែ​ទាំ​ ដែល​​ត្រូវ​​បាន​​តែង​​តាំង​​ដោយ​ក្រសួងសុខាភិបាល​ និង​​បាន​​បោះ​​ឆ្នោត​​ជ្រើស​រើស​ដោយ​គិលានុបដ្ឋាក​ដែល​រួម​ការងារ​ជា​មួយ​គ្នា​ ដូច្នេះ​​ហើយ​​​​​ការ​​​យល់​​​ដឹង​យ៉ាង​ច្បាស់​​​ពី​​តួនាទី​​របស់​​គិលានុបដ្ឋាក​ និង​​​ការ​​អនុវត្ត​​​​វិជ្ជា​ជីវៈ​​គឺ​មាន​ខ្ពស់​​។ គណៈ​​គិលានុបដ្ឋាក​​​កម្ពុជា​​ទទួល​​ខុស​​ត្រូវ​​​លើ​​ការ​​ការពារ​​ប្រជាពលរដ្ឋ​​កម្ពុជា​​ដោយ​​ធានា​ថា​គិលានុបដ្ឋាន​​ទាំង​​ឡាយ​​គឺ៖​​

  • បាន​​ចុះ​​ឈ្មោះ​​ជា​​មួយ​​គណៈគិលានុបដ្ឋាក និង​​បាន​​បង់​​ថ្លៃ​​ប្រចាំ​​ឆ្នាំ​​នៅ​​ក្រុម​​ប្រឹក្សា​​គណៈ​គិលានុបដ្ឋាក​​រាជធានី​-ខេត្ត​ដើម្បី​​ទទួល​​បាន​​សិទ្ធិ​​ផ្តល់​​ការ​​ថែ​ទាំ​​ដល់​​អ្នក​​ជំងឺ
  • យល់​​ដឹង​ និង​​អនុវត្ត​​តាម​​ក្រម​​សីលធម៌ និង​​ស្តង់​ដារ​​វិជ្ជាជីវៈ​​ការ​​ថែ​ទាំ​​របស់​​គណៈ​គិលានុបដ្ឋាក​​​កម្ពុជានឹង​​ត្រូវ​​ធ្វើ​​ការ​​ស៊ើប​​អង្កេត ​ប្រសិន​​បើ​រក​​​ឃើញ​​អ្វី​​មិន​​ប្រកតី ​​​ការ​​ពិន័យ​​​ដ៍​​​សម​រម្យ​​មួយ ​នឹង​​ត្រូវ​​អនុវត្ត​​​ឡើង​​បន្ទាប់​​ពី​​មាន​​​​របាយការណ៍​​នៃ​​កំហុស​​វិជ្ជាជីវៈ​​របស់​​គិលានុបដ្ឋាក។​

គណៈ​​គិលានុបដ្ឋាក​​កម្ពុជា​​នឹង​​បន្ត​​ផ្តោត​​លើ​ការ​​​បង្កើន​​ការ​​ចុះ​​បញ្ជី​​គិលានុបដ្ឋាក​ឱ្យ​​បាន​ ១០០% (មួយ​រយ​ភាគ​​រយ) ផ្តល់​​ការ​​បណ្តុះ​​បណ្តាល​ដល់​​គិលានុបដ្ឋាក​ពី​​ក្រម​​សីលធម៌​ និង​​ស្តង់​ដារ​​នៃ​ការ​​ថែ​ទាំ​​វិជ្ជាជីវៈ និង​​​ពី​​វិធី​​​ណែនាំ​​លើ​​​ការ​​អនុវត្ត​​វិជ្ជា​​ជីវៈ។​ ការ​​បង្ហាញ​​មុខ​ងារ​​បញ្ញាតិ​​ថ្មី​​​ដែល​​មាន​​ដូច​​ជា​ ការ​​បន្ត​អភិវឌ្ឍន៍​​​​វិជ្ជា​ជីៈ ​ការ​​បង្កើន​ទំរង់​ការ និង​​ការ​​ទទួល​​ស្គាល់​​បញ្ញាតិ​វិជ្ជា​ជីវៈ​​​ការ​​ថែ​​ទាំ​​​ដែល​បាន​​​រួម​​​ចំណែក​ផ្តល់​​នូវ​​គុណ​ភាព ការ​​ថែ​ទាំ​​​អ្នក​​ជំងឺ​​ប្រកប​​ដោយ​​សុវត្ថិភាព​ និង​​ការ​​ពង្រឹ​ង​​គុណ​​ភាព​​​ការ​​បណ្តុះ​បណ្តាល និង​​ការ​​អនុវត្ត​​​ការ​​ថែ​ទាំ​។

ក្នុង​​ពេល​​ទន្ទឹម​​គ្នា​​នេះ​​ដែរ គណៈ​​គិលានុបដ្ឋាក​​ធ្វើ​ជា​​ដៃ​​គូរ​​ជា​មួយ​​ក្រ​សួង​​សុខាភិបាល និង​​សមាគម​​គិលានុបដ្ឋាក​​កម្ពុជា​​ដើម្បី​​លើក​កំ​ពស់​ចំណេះ​ដឹង​​ថែ​ទាំ​ ការ​អនុវត្ត និង​​ពង្រឹង​​គុណភាព​​នៃ​​ការ​បណ្តុះ​បណ្តាល​នៅ​សាលា និង​ការ​បង្ហាត់​បង្រៀន​នៅ​មន្ទីរ​ពេទ្យ។

រចនា​សម្ព័ន្ធ​​របស់​​គណៈគិលានុបដ្ឋាក​​កម្ពុជា​​ត្រូវ​​បាន​​កំណត់​​ដោយ​​ព្រះរាជ​ក្រឹត្យ​ រួម​​មាន​​ក្រុម​ប្រឹក្សា​​ជាតិ​​ដែល​​មាន​​ទីតាំង​​​ក្នុង​​ក្រុង​​ភ្នំ​ពេញ ក្រុម​​ប្រឹក្សា​​ភូមិភាគ​​ចំនួន​​៥ និង​​ក្រុមប្រឹក្សា​​រាជធានី​-ខេត្ត​ចំនួន​​២៥។