សូមគោរពគាំទ្រ ប្រសាសន៍ដ៏ថ្លៃថ្លា​ ឯកឧត្តមសាស្រ្តាចារ្យរដ្ឋមន្រ្តី «សូមសហភាតរៈសុខាភិបាលគ្រប់រូប បំពេញភារកិច្ចជាតួអង្គសំខាន់ ដើម្បីសុខភាពរបស់ប្រជាពលរដ្ឋយើង»​ នឹង «ទាំងអស់គ្នា ដើម្បីសុខភាពជាតិយើង»​នៅក្នុងសន្និបាតបូកសរុបការងារសុខាភិបាលលើកទី៤៤ ឆ្នាំ២០២៤ និងលើកទិសដៅការងារបន្ត ដែលប្រារពធ្វើឡើងចំនួនពីរថ្ងៃ នៅសណ្ឋាគារសូហ្វីតែលភ្នំពេញភូគីត្រា ។ រាជធានីភ្នំពេញ៖​ កាលពីថ្ងៃចន្ទ ៥កើត ដល់ថ្ងៃអង្គារ ៦កើត ខែផល្គុន ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ៣-៤ ខែ មីនា ឆ្នាំ ២០២៥ លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា អាណត្តិទី៣​ក្រោមអធិបតីភាពដ៏ខ្ពង់ខ្ពស់​ ឯកឧត្តមសាស្ត្រាចារ្យ​ ឈាង​ រ៉ា​ រដ្ឋមន្ត្រីក្រសួងសុខាភិបាល​ បានចូលរួមក្នុងសន្និបាតសុខាភិបាល លើកទី៤៤  ដែលមានការអញ្ជើញចូលរួមពីថ្នាក់ដឹកនាំ និងមន្ត្រីរាជការសុខាភិបាល ទាំងថ្នាក់ជាតិ និងថ្នាក់ក្រោមជាតិ