ការជួបពិភាក្សាការងារអំពី​ ការបណ្តុះបណ្តាល​អភិវឌ្ឍន៍វិជ្ជាជីវះបន្ត (CPD) និងសម្តែងការគួរសម​ ផ្សារភ្ជាប់ទំនាក់ទំនងការងាររវាងក្រុមការងារអាណត្តិថ្មីរបស់អង្គការ​ JICA និងក្រុមប្រឹក្សាគណៈគិលានុបដ្ឋាកជាតិ​។ រាជធានីភ្នំពេញ៖​ នារសៀលថ្ងៃពុធ ៧រោច ខែមាឃ    ឆ្នាំរោង  ឆស័ក ព.ស. ២៥៦៨​ ត្រូវនឹងថ្ងៃទី១៩ ខែកុម្ភៈ ឆ្នាំ២០២៥ លោក​ ជា​ សុភក្ត្រមុនីរ័ត្ន​ ប្រធានក្រុមប្រឹក្សាគណៈគិលានុបដ្ឋាកជាតិ​ លោក​កប​ នឿន​  អនុប្រធានក្រុមប្រឹក្សាគណៈគិលានុបដ្ឋាកជាតិ​ បានដឹកនាំក្រុមការងារ ជួបពិភាក្សាការងារអំពី​ ការបណ្តុះបណ្តាល​អភិវឌ្ឍន៍វិជ្ជាជីវះបន្ត (CPD) និងការជួបសម្តែងការគួរសម​ ផ្សារភ្ជាប់ទំនាក់​ទំនង​ការងារជាមួយនឹងក្រុមការងារអាណត្តិថ្មីរបស់អង្គការ​ JICA ក្នុងមន្ទីរពេទ្យកាល់ម៉ែត។ សម្រាប់កិច្ចជួបពិភាក្សានេះគឺ​ មានគោលបំណងដូចខាងក្រោម៖ ការណែនាំខ្លួននឹងការស្គាល់គ្នាដោយក្រុមការងារអាណត្តិថ្មី ខាង JICA  និងក្រុមប្រឹក្សាគណៈគិលានុបដ្ឋាកជាតិ ក្រុមការងារJICA បានបង្ហាញពីការបន្តជួយនូវចំណុចមួយចំនួនដែលក្រុមប្រឹក្សាគណៈគិលានុបដ្ឋាកជាតិបានស្នេីរសុំដូចមុនដូចជា​(HR &Book printing) ក្រុមប្រឹក្សាគណៈគិលានុបដ្ឋាកជាតិបានស្នេីទៅខាង​ JICA  ក្នុងការផ្តល់អ្នកជំនាញឯកទេស​ មកជួយក្នុងការធ្វេីបច្ចុប្បន្នភាព លេីបែបបទនៃការបន្តអភិវឌ្ឍន៍វិជ្ជាជីវះបន្ត(CPD) និងនិតិវិធីនៃការផ្តល់ពិន្ទុនៃការអភិវឌ្ឍន៍វិជ្ជាជីវះបន្ត(CPD) អោយកាន់តែមានភាពងាយស្រួលដល់សមាជិកទាំងអស់បានចូលរួមអនុវត្ត។