ខេត្តត្បូងឃ្មុំ, នាព្រឹកថ្ងៃសុក្រ ៩រោច ខែមាឃ ឆ្នាំរោង ឆស័ក ព.ស ២៥៦៨ ត្រូវថ្ងៃទី ២១ ខែ កុម្ភៈ ឆ្នាំ ២០២៥ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុ​បដ្ឋាក​ជាតិ  និងលោក ខូវ ប្រុស អគ្គលេខាធិការ ក្រុមប្រឹក្សាគណៈ គិលានុបដ្ឋាកជាតិ បានអញ្ជើញជាអធិបតីភាព ក្នុង​កម្មវិធីសិក្ខាសា​លា​ស្ដីពីការចែករំលែកបទពិសោធន៍ ការថែទាំជំងឺនៅតាមមន្ទីរពេទ្យ និងការអភិវឌ្ឍន៍ វិជ្ជាជីវៈបន្ត (CPD) ក្នុងខេត្តត្បូងឃ្មុំ ដែលបានរៀបចំដោយ  ក្រុមប្រឹក្សាគណៈគិលានុបដ្ឋាកខេត្តត្បូងឃ្មុំ។ 

ជាដំបូងលោកប្រធាន​ បានថ្លែងអំណរគុណជូន ឯកឧត្តមវេជ្ជបណ្ឌិត ឆន មុនី អនុប្រធានមន្ទីរសុខាភិបាល និងជាប្រធានក្រុមប្រឹក្សាគណៈគ្រូពេទ្យ ខេត្តត្បូងឃ្មុំ ដែលតែងយកចិត្តទុកដាក់ និងគាំទ្រការងារ ក្រុមប្រឹក្សាគណៈគិលានុបដ្ឋាកខេត្តត្បូងឃ្មុំ ជាពិសេស ឯកឧត្តមវេជ្ជបណ្ឌិត អេក ឃាង ប្រធានមន្ទីរពេទ្យមិត្តភាពកម្ពុជាចិន-ត្បូងឃ្មុំ បានអនុញ្ញាត និងផ្ដល់កត្តិយស ដំណើរទស្សនកិច្ច ក្នុងមន្ទីរពេទ្យមិត្តភាពកម្ពុជាចិន-ត្បូងឃ្មុំ។

សម្រាប់សន្ទរកថាបិទកម្មវិធី លោកបានសង្ខេបចំណុចសំខាន់ៗនៃកម្មវិធី៖

1. ការធ្វើអោយប្រសើឡើងនូវការអនុវត្តវិជ្ជាជីវៈគិលានុបដ្ឋាកក្នុងមន្ទីរពេទ្យ
2. គិលានុបដ្ឋាកយល់ដឹងពីតួនាទី និងអនុវត្តប្រកបដោយក្រមសីលធម៌វិជ្ជាជីវៈ
3. គិលានុបដ្ឋាកយល់ដឹងពីការប្រើប្រាស់ប្រព័ន្ធចុះបញ្ជិកា​(RMS) និងបន្តសុពលភាព គិលានុបដ្ឋាកទទួលបាននូវចំណេះដឹងថ្មីៗ​4)បន្ថែមចែករំលែកពីបដិសណ្ឋារកិច្ចល្អក្នុងមន្ទីរពេទ្យ។

ជាចុងបញ្ចប់នៃកម្មវិធី​  លោកប្រធានបាន​ អរគុណដោយមានការលេីកទឹកចិត្ត និងវាយតម្លៃខ្ពស់លោក លីម សុភ័ក្រ្ត ប្រធានក្រុមប្រឹក្សាគណៈគិលានុបដ្ឋាកខេត្តត្បូងឃ្មុំ និងសមាជិកទាំងអស់ ដែលបានរៀបចំឱ្យមានកម្មវិធីនេះឡើងបានរលូននិងមាន​ប្រសិទ្ធភាព។