ការប្រជុំបូកសរុបរបាយការណ៍ប្រចាំត្រីមាសទី១​ និងប្រជុំប្រចាំខែ​ ឧសភា សម្រាប់ឆ្នាំ​ ២០២៥​ របស់ក្រុមប្រឹក្សាគណៈគិលានុបដ្ឋាកខេត្តក្រចេះ។

ខេត្តក្រចេះ៖ នាព្រឹកថ្ងៃសៅរ៍ ១៣រោច ខែពិសាខ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី​ ២៤ ខែ​ឧសភា ឆ្នាំ២០២៥ ដោយមានការអនុញ្ញាតពីលោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិអាណត្តិទី៣ លោក​ ស៊ុម​ឡា​ ប្រធាន​ក្រុមប្រឹក្សាគណៈគិលានុបដ្ឋាកខេត្តក្រចេះ បានចូលរួមបេីកការប្រជុំ បូកសរុបរបាយការណ៍ប្រចាំត្រីមាសទី១និងប្រចាំខែ​ ឧសភា របស់ក្រុមប្រឹក្សាគណៈគិលានុបដ្ឋាកខេត្តក្រចេះ ដែលមានសមាជិកចំនួន​ ១០នាក់​ នៅមន្ទីរពេទ្យបង្អែកខេត្តក្រចេះ។

សម្រាប់គោលបំណងនៃការប្រជុំប្រចាំខាងលេី​ របស់ក្រុមប្រឹក្សាគិលានុបដ្ឋាកខេត្តក្រចេះ​ គឺមានដូចជា៖

1-បូកសរុបរបាយការណ៍​ ថវិកា​ ចំណូលចំណាយប្រចាំត្រីមាសទី១​ និងវឌ្ឍនភាពរបស់ក្រុមប្រឹក្សាគណៈខេត្តក្រចេះ
2-រំលឹកអំពីតួនាទីនឹង​ ភារកិច្ចរបស់សមាជិកក្រុមប្រឹក្សាគិលានុបដ្ឋាកខេត្តក្រចេះ​
3-ការធ្វេីអជ្ញាបណ្ណនិងបញ្ហាប្រឈម
4-អនុវត្តបន្តនៃផែនការផ្សព្វផ្សាយក្រមសីលធម៌វិជ្ជាជីវះសម្រាប់មន្ទីរពេទ្យផ្សេងៗក្នុងខេត្តក្រចេះ

​ ជាកិច្ចដំបូងនៃអង្គប្រជុំ​ លោក ប្រធាន​ បានពាំនាំយកអនុសាសន៍មួយចំនួនរបស់ឯកឧត្តមសាស្ត្រាចារ្យរដ្ឋមន្ត្រី ដែលជាចំនុចសំខាន់ៗ​និងទាក់ទងជាមួយនឹងការងារគណៈគិលានុបដ្ឋាកដូចខាងក្រោម៖
1​-ត្រូវពង្រឹងការចុះបញ្ជិកា​អោយបានត្រឹមត្រូវ​ និងមានតម្លៃ
2-ត្រូវពង្រឹងសមត្ថភាព​ និងការយល់ដឹងពីក្រមសីលធម៍វិជ្ជាជីវៈ និងពិន្ទុ CPD
3-ត្រូវមានការសាមគ្គីភាព​រវាង​ គិលានុបដ្ឋាក​ ឆ្មប​ គ្រូពេទ្យ​ និងបុគ្គលិកសុខាភិបាលផ្សេងទៀត ដេីម្បីជួយសហការគ្នាក្នុងកិច្ចការថែទាំ​ព្យាបាលជំងឺ​
4-ផ្សារភ្ជាប់ទំនាក់ទំនង​ ផ្តល់ព័ត៌មានជាមួយថ្នាក់ដឹកនាំគ្រប់ជាន់ថ្នាក់
5-ត្រូវមានទស្សនវិស័យ​គ្រប់សកម្មភាពការងារ​ទាក់ទងនឹងជំនាញរបស់ខ្លួន​ នឹងត្រូវមានកាផ្សព្វផ្សាយតាមរយះប្រព័ន្ធ​ Media ផងដែរ(មានទាំងខ្លឹមសារ​ និងរូបភាព)
6-ត្រូវ Update គ្រប់ Media របស់ខ្លួនជាប្រចាំ
7-ធ្វើជាអ្នដឹកនាំត្រូវមានទស្សនៈទាន (Vision) ថាតើយើងត្រូវរិះរកវិធីណាដើម្បីអោយមានដំណើរការអោយរលូន
8-ត្រូវធ្វើអោយមាំពីខ្លួនយើងជាថ្នាក់ដឹកនាំ រួចបន្តទៅថ្នាក់ក្រោម

ជាចុងបញ្ចប់នៃការប្រជុំ​ លោកប្រធាន​ បានកោតសរសេីរ​ លេីកទឹកចិត្តដល់ក្រុមការងារ​ដែលតែងតែលះបង់​ និងឆ្លៀតជួបជុំគ្នាប្រជុំប្រចាំខែតាមកាលវិភាគ​ ប្រជុំប្រចាំត្រីមាស​ ដោយការសហការគ្នា​ ពង្រឹងសមត្ថភាព​ គោរពក្រមសីលធម៌វិជ្ជាជីវៈ​ ជាមួយនឹងការលេីកគុណតម្លៃនៃវិជ្ជាជីវៈគិលានុបដ្ឋាកអោយកាន់តែមានភាពល្អប្រសេីរទៅមុខបន្តទៀត​ ជាពិសេសស្របតាមគោលការណ៍ក្រសួងសុខាភិបាល​។

#CCN#MOH