ការប្រជុំបូកសរុបរបាយការណ៍ប្រចាំត្រីមាសទី១​ និងប្រជុំប្រចាំខែមេសា​ សម្រាប់ឆ្នាំ​ ២០២៥​ របស់ក្រុមប្រឹក្សាគណៈគិលានុបដ្ឋាកមន្ទីរពេទ្យកាល់ម៉ែត​។

រាជធានីភ្នំពេញ៖ នារសៀលថ្ងៃពុធ ៤កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី​ ៣០ ខែ​មេសា ឆ្នាំ២០២៥ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិអាណត្តិទី៣ បានអញ្ជេីញជាអធិបតី​ ចូលរួមបេីកការប្រជុំ បូកសរុបរបាយការណ៍ប្រចាំត្រីមាសទី១និងប្រចាំខែមេសា របស់ក្រុមប្រឹក្សាគណៈគិលានុបដ្ឋាកមន្ទីរពេទ្យកាល់ម៉ែត ដែលមានលោក​ ផាត់​ យ៉នភារ៉ាត​ ជាប្រធាន​ និងសមាជិកចំនួន​ ១០នាក់។

សម្រាប់បន្ថែមពីលេីគោលបំណងនៃការប្រជុំនេះ​ដែរ​ លោកប្រធាន​ បានសំណេះសំណាល​ និងសាកសួរពីស្ថានភាព​ វឌ្ឍនៈភាពការងាររបស់ក្រុមប្រឹក្សាគណៈគិលានុបដ្ឋាកមន្ទីរពេទ្យកាល់ម៉ែត​ ជាពិសេសលោកប្រធានបានពាំនាំប្រសាសន៍ដ៏ថ្លៃថ្លារបស់ឯកឧត្តមសាស្ត្រាចារ្យ ឈាង​ រ៉ា​រដ្ឋមន្ត្រីក្រសួងសុខាភិបាលដែលបានថ្លែងក្នុងពិធីអបអរសាទរទិវាឆ្មបជាតិ-អន្តរជាតិ ៥ ឧសភា ឆ្នាំ២០២៥​ គឺថា «ឆ្មបដើរតួនាទីសំខាន់ណាស់ ក្នុងការពិគ្រោះផ្តល់យោបល់ ផ្តល់សេវាថែទាំជូនដល់ស្រ្តីមានផ្ទៃពោះ រួមទាំងទារក ទាំងមុនសម្រាល កំពុងសម្រាល និងក្រោយសម្រាល» និងមានចំនុចមួយចំនួនដូចខាងក្រោម៖
១) បណ្តុះបណ្តាលមធ្យោបាយនៃការទំនាក់ទំនង និងឱ្យមានភាពរស់រវើក
២) ត្រូវស្វែងរកនូវឯកសារ រឺអត្ថបទត្រូវធ្វើការផ្សព្វផ្សាយ ដែលទាក់ទងនឹងសកម្មភាពឆ្មប
៣) ព្យាយាមរៀបចំទស្សនាវដ្តី រឺព្រឹត្តិបត្រព័ត៌មាន
៤) ត្រូវចូលរួមក្នុងវេទិកាទាំងឡាយ ពិសេសវេទិកាអន្តរជាតិ ដើម្បីពិនិត្យមើលសកម្មភាព និងកិច្ចការងារមានភាពជឿនលឿនរបស់អន្តរជាតិ យកមកសិក្សា និងអនុវត្តន៍តាម។​

លេីសពីនេះទៅទៀត​ លោកប្រធានគណៈគិលានុបដ្ឋាកកម្ពុជា​ បានពាំនាំយកអនុសាសន៍មួយចំនួនដែលទេីបទទួលបានពីឯកឧត្តមសាស្ត្រាចារ្យរដ្ឋមន្ត្រី ដែលជាចំនុចសំខាន់ៗ​និងទាក់ទងជាមួយនឹងការងារគណៈគិលានុបដ្ឋាកដូចខាងក្រោម៖
1​-ត្រូវពង្រឹងការចុះបញ្ជិកា​អោយបានត្រឹមត្រូវ​ និងមានតម្លៃ
2-ត្រូវពង្រឹងសមត្ថភាព​ និងការយល់ដឹងពីក្រមសីលធម៍វិជ្ជាជីវៈ និងពិន្ទុ CPD
3-ត្រូវមានការសាមគ្គីភាព​រវាង​ គិលានុបដ្ឋាក​ ឆ្មប​ គ្រូពេទ្យ​ និងបុគ្គលិកសុខាភិបាលផ្សេងទៀត ដេីម្បីជួយសហការគ្នាក្នុងកិច្ចការថែទាំ​ព្យាបាលជំងឺ​
4-ផ្សារភ្ជាប់ទំនាក់ទំនង​ ផ្តល់ព័ត៌មានជាមួយថ្នាក់ដឹកនាំគ្រប់ជាន់ថ្នាក់
5-ត្រូវមានទស្សនវិស័យ​គ្រប់សកម្មភាពការងារ​ទាក់ទងនឹងជំនាញរបស់ខ្លួន​ នឹងត្រូវមានកាផ្សព្វផ្សាយតាមរយះប្រព័ន្ធ​ Media ផងដែរ(មានទាំងខ្លឹមសារ​ និងរូបភាព)
6-ត្រូវ Update គ្រប់ Media របស់ខ្លួនជាប្រចាំ
7-ធ្វើជាអ្នដឹកនាំត្រូវមានទស្សនៈទាន (Vision) ថាតើយើងត្រូវរិះរកវិធីណាដើម្បីអោយមានដំណើរការអោយរលូន។
8-ត្រូវធ្វើអោយមាំពីខ្លួនយើងជាថ្នាក់ដឹកនាំ រួចបន្តទៅថ្នាក់ក្រោម

ជាចុងបញ្ចប់នៃការប្រជុំ​ លោកប្រធាន​ បានកោតសរសេីរ​ លេីកទឹកចិត្តដល់ក្រ​ុមការងារ​ដែលតែងតែឆ្លៀតជួបជុំគ្នាប្រជុំប្រចាំខែតាមកាលវិភាគ​ ប្រជុំប្រចាំត្រីមាស នឹងបានផ្តល់ជាអានុសាសន៍ដល់អង្គប្រជុំខាងលេីមួយចំនួនផងដែរ​ ៖

1-ត្រូវត្រួតពិនិត្យតួនាទីភារៈកិច្ចរបស់ខ្លួន​ និងក្រុមការងារឡេីងវិញ​ ថាតេីបានអនុវត្តការងារបានអ្វីខ្លះ​ និងនៅសល់អ្វីខ្លះ
2-បន្តបណ្តុះបណ្តាលពីក្រមសីលធម៍វិជ្ជាជីវៈ​ និងពង្រឹងសមត្ថភាពអោយបានជាប់ជាប្រចាំ
3-ត្រូវស្រាវជ្រាវ​រកព័ត៌មាន​ឬចំនេះដឹងថ្មីៗ ដេីម្បីយកមកអនុវត្តនិងធ្វេីបច្ចុប្បន្នភាពសមត្ថភាពរបស់ខ្លួនអោយ​បានល្អប្រសេីរ។

#CCN#MOH