ការជួបពិភាក្សាការងារអំពី​ គោលបំណងនៃការបណ្ដុះបណ្ដាលលេីបញ្ហាកង្វះអាហារូបត្ថមសម្រាប់ទារក​ និងកុមារ ព្រមទាំងសម្តែងការគួរសម​ ដោយផ្សារភ្ជាប់ទំនាក់​ទំនងការងាររវាងក្រុមការងារ UNICEF និងក្រុមប្រឹក្សាគណៈគិលានុបដ្ឋាកជាតិ​អាណត្តិទី៣។

រាជធានីភ្នំពេញ៖​ នារសៀលថ្ងៃអង្គារ ៩រោច ខែពិសាខ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២០ ខែឧសភា ឆ្នាំ២០២៥ លោក​ ជា​ សុភក្ត្រមុនីរ័ត្ន​ ប្រធានក្រុមប្រឹក្សាគណៈគិលានុបដ្ឋាកជាតិ​ និងលោក​ ផាត់ យ៉នភារ៉ាត ប្រធានក្រុមប្រឹក្សាគណៈគិលានុបដ្ឋាកមន្ទីរពេទ្យកាល់ម៉ែត រួមទាំងសហការីពីរនាក់ទៀត​ បានជួបពិភាក្សាការងារអំពី​ បញ្ហាកង្វះអាហារូបត្ថមសម្រាប់ទារក​ និងកុមារ ដោយរកពីវិធីសាស្ត្រក្នុងការបណ្ដុះបណ្ដាល រួមជាមួយនិងការជួបសម្តែងការគួរសម​ ផ្សារភ្ជាប់ទំនាក់​ទំនង​ការងារលេីកដំបូងជាមួយនឹងក្រុមការងារ UNICEF នៅការិយាល័យគណៈគិលានុបដ្ឋាកកម្ពុជា​ ក្នុងមន្ទីរពេទ្យកាល់ម៉ែត។

គួរអោយកត់សម្គាល់ផងដែរថា ក្នុងកិច្ចជួបពិភាក្សានេះគឺ​ មានគោលបំណងសំខាន់ៗដូចខាងក្រោម៖
​ 1)​ ការណែនាំខ្លួននឹងការស្គាល់គ្នាដោយក្រុមការងារ UNICEF និងក្រុមប្រឹក្សាគណៈគិលានុបដ្ឋាកជាតិ
​ 2)​ ក្រុមការងារ UNICEF បានបង្ហាញពីគោលបំណងក្នុងការដោះស្រាយបញ្ហាចំពោះទារក​ និងកុមារដែលស្គមរីងរ៉ៃឬមិនគ្រប់គីឡូ
3) ក្រុមការងារ UNICEF ចង់បង្កើតការទំនាក់ទំនងនិងបណ្ដុះបណ្ដាលបន្តចំពោះបញ្ហាកង្វះអាហារូបត្ថមសម្រាប់គិលានុបដ្ឋាកដែលបម្រើការងារក្នុងស្ថាប័នរដ្ឋ និង ស្ថាប័នឯកជន។

​ ជាចុងបញ្ចប់នៃការជួបខាងលេី​ លោក ជា សុភក្រ្តមុនីរ័ត្ន បានគាំទ្រយ៉ាងពេញទំហឹងក្នុងការបណ្ដុះបណ្ដាលបន្តសម្រាប់គិលានុបដ្ឋាកទូទាំងប្រទេសកម្ពុជាដោយក្នុងនោះគឺស្របទៅតាមគោលការណ៍របស់ក្រសួងសុខាភិបាល​ក៏ដូចជាគ្រប់គ្រឹស្ថានបណ្តុះបណ្តាលផ្នែកគិលានុបដ្ឋាកទាំងអស់​ នឹងជាពិសេស​នោះគឺជា គោលដៅយុទ្ធសាស្រ្តរបស់គណៈគិលានុបដ្ឋាកកម្ពុជាដែលបានដាក់ក្នុងជំហ៊ានឈានទៅមុខ​ ដោយជួយជំរុញទាំងសមត្ថភាព​ គុណភាពនៃការថែទាំ​ បូករួមជាមួយក្រមសីលធម៌វិជ្ជាជីវៈ​ទៀតផង។

#CCN #MOH