ការចូលក្នុងកិច្ចប្រជុំប្រចាំខែ ឧសភា​ សម្រាប់ឆមាសទី១​ នៃក្រុមការងារលើកកម្ពស់គុណភាព​សុខាភិបាល ដែលបានប្រព្រឹត្តិនៅក្នុងទីស្តីការក្រសួងសុខាភិបាល។

រាជធានីភ្នំពេញ៖ នៅព្រឹកថ្ងៃ អង្គារ ១កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី ២៧ ខែ ឧសភា ឆ្នាំ២០២៥ ដោយបានការអនុញ្ញាតពី​ លោក​ ជា​ សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិអាណត្តិទី៣​ លោក​ ខូវ​ ប្រុស​ ជាអគ្គលេខាធិការនៃគណៈគិលានុបដ្ឋាកកម្ពុជា​ បានបន្តចូលរួមក្នុងកិច្ចប្រជុំប្រចាំខែឧសភា​ សម្រាប់ឆមាសទី១ របស់ក្រុមការងារលើកកម្ពស់គុណភាព​ ដែលបានដឹកនាំដោយ​ ឯកឧត្តមសាស្ត្រាចារ្យ យីត ស៊ុនណារ៉ា រដ្ឋលេខាធិការក្រសួងសុខាភិបាល និងជាប្រធានក្រុមការងារលើកកម្ពស់គុណភាព​ ដែលជាតំណាងដ៏ខ្ពង់ខ្ពស់​ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ដោយមានអ្នកចូលរួមផ្ទាល់ចំនួន ២៦នាក់ នៅទីស្តីការក្រសួងសុខាភិបាល​ និងតាមរយៈប្រព័ន្ធនិមិត្ម(ZOOM) ចំនួន ៨១នាក់​ទៀត​។

​ សម្រាប់កិច្ចប្រជុំខាងលេី​ គឺមានគោលបំណងក្នុងការចូលរួមចែករំលែកបទពិសោធន៍ និងបង្ហាញពីលទ្ធផលសកម្មភាពកែលម្អគុណភាពសុខាភិបាល ព្រមទាំងការពិភាក្សាស្វែងយល់​ និងរកដំណោះស្រាយអំពីបញ្ហា​ ដែលបានជួបប្រទះរបស់មន្ទីរសុខា​ភិបាលខេត្តក្រចេះ មន្ទីរពេទ្យបង្អែកខេត្តក្រចេះ ការិយាល័យស្រុកប្រតិបត្តិស្នួល និងមណ្ឌលសុខភាពចង្រ្កង់​ របស់ខេត្តក្រចេះ។

​ គួរបញ្ជាក់បន្ថែមផងដែរថា នៅក្នុងកិច្ចប្រជុំនេះដែរ​ គឺមានការអញ្ជើញចូលរួមដោយឯកឧត្តមសាស្រ្តាចារ្យ អ៊ុង សំអាន អនុរដ្ឋលេខាធិការក្រសួងសុខាភិបាល និងជាអនុប្រធានក្រុមការងារលើកកម្ពស់គុណភាពសុខាភិបាល ព្រមទាំងឯកឧត្តម លោកជំទាវ លោក លោកស្រី ថ្នាក់ដឹកនាំ និងមន្ត្រីរាជការ ដែលជាសមាជិក សមាជិកាក្រុមការងារលើកកម្ពស់គុណភាព សមាគមអ្នកផ្តល់សេវាសុខាភិបាលឯកជនកម្ពុជា គណៈវិជ្ជាជីវៈទាំង៥ មន្ទីរពេទ្យជាតិ មជ្ឈមណ្ឌលជាតិ មន្ទីរសុខាភិបាលរាជធានី/ខេត្ត ក្រុមអ្នកវាយតម្លៃថ្នាក់មន្ទីរសុខាភិបាលរាជធានី/ខេត្ត និងទីភ្នាក់ងារជាតិបញ្ជាក់ចំណាយ និងអង្គការដៃគូរមួយចំនួនទៀត។

#CCN#MOH