🏥 វគ្គបណ្តុះបណ្តាលស្តីពីការពិនិត្យ-តាមដាន និងថែទាំជំងឺគ្រុនឈាម 🏥

ដោយទទួលបានការអនុញ្ញាតពី លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិអាណត្តិទី៣ លោក ហម សុធា ប្រធានក្រុមប្រឹក្សាគណៈគិលានុបដ្ឋាកមន្ទីរពេទ្យជ័យវរ្ម័នទី៧-គន្ធបុប្ផាសៀមរាប និងអញ្ជើញចូលរួមបើកវគ្គបណ្តុះបណ្តាលដោយលោកសាស្រ្តាចារ្យជំនួយ ឃុន លាងឈុន អនុប្រធានមន្ទីរពេទ្យជ័យវរ្ម័នទី៧ ស្តីពីការពិនិត្យ-តាមដាន និងថែទាំជំងឺគ្រុនឈាម ដល់គិលានុបដ្ឋាក-យិកា។

📅 ថ្ងៃពុធ ទី១ ខែកក្កដា ឆ្នាំ២០២៦ ត្រូវនឹងថ្ងៃពុធ ២រោច ខែបឋមាសាឍ ឆ្នាំមមី ពុទ្ធសករាជ ២៥៧០
📍 មន្ទីរពេទ្យជ័យវរ្ម័នទី៧-គន្ធបុប្ផា ខេត្តសៀមរាប

🎯 គោលបំណង៖ពង្រឹងសមត្ថភាពវិជ្ជាជីវៈ ចំណេះដឹង និងបច្ចេកទេសរបស់គិលានុបដ្ឋាក-យិកា ក្នុងការតាមដាន និងថែទាំជំងឺគ្រុនឈាម
លើកកម្ពស់គុណភាព និងសុវត្ថិភាពនៃការថែទាំអ្នកជំងឺគ្រុនឈាមធ្ងន់ធ្ងរ និងបង្កើនការយល់ដឹងអំពីសញ្ញា Pre-shock និង Shock ដើម្បីជួយសង្គ្រោះជីវិតអ្នកជំងឺបានទាន់ពេលវេលា ព្រមទាំងជម្រុញកិច្ចសហការរវាងគិលានុបដ្ឋាក-យិកា និងគ្រូពេទ្យ ក្នុងការតាមដានអ្នកជំងឺយ៉ាងជិតស្និទ្ធ

📚 សារៈសំខាន់៖
ជំងឺគ្រុនឈាមតម្រូវឱ្យមានការតាមដានយ៉ាងតឹងរ៉ឹងលើសពី ២៤ម៉ោង ដោយសារហានិភ័យខ្ពស់ក្នុងការវិវត្តទៅជាស្ថានភាពធ្ងន់ធ្ងរ។ វគ្គបណ្តុះបណ្តាលនេះបានឆ្លុះបញ្ចាំងពីការយកចិត្តទុកដាក់ខ្ពស់បំផុតរបស់ថ្នាក់ដឹកនាំ និងមន្ត្រីជំនាញក្នុងការជំរុញការអភិវឌ្ឍវិជ្ជាជីវៈថែទាំ ដើម្បីលើកកម្ពស់គុណភាពសេវា ស្របតាមស្តង់ដារវិជ្ជាជីវៈ និងការពង្រឹងសុវត្ថិភាពអ្នកជំងឺនៅកម្ពុជា។
👥 សិក្ខាកាម៖ គិលានុបដ្ឋាក-យិកា នៃមន្ទីរពេទ្យជ័យវរ្ម័នទី៧-គន្ធបុប្ផាសៀមរាប

💙 #CCN #Nurse #StrategicPlan2026_2030 #NursingDevelopment #NursingProfessionalStandards #SiemReap #DengueFever