ក្រុមការងារគណៈគិលានុបដ្ឋាកកម្ពុជា​ បន្តធ្វេីការចុះអភិបាលការងាររបស់គិលានុបដ្ឋាក នៅតាមសេវាសាធារណៈ និងឯកជន នៅខេត្តកោះកុង ។

ខេត្តកោះកុង៖ នាថ្ងៃអាទិត្យ ១១កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៩ ខែមីនា ឆ្នាំ២០២៦ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ បានដឹកនាំក្រុមការងារថ្នាក់ជាតិ សហការជាមួយក្រុម​ប្រឹក្សាគណៈគិលានុបដ្ឋាកខេត្តកោះកុង ចុះអភិបាលការងារ និងត្រួតពិនិត្យដែនកំ​ណត់​នៃ​ការអនុវត្តរបស់គិលានុបដ្ឋាក​ និងក្រមសីលធម៌វិជ្ជាជីវៈ នៅតាមបណ្ដាសេវាសុខាភិបាលសាធារណៈ និងឯកជន ក្នុងភូមិសាស្ត្រខេត្តកោះកុង។

​ ការចុះអភិបាលការងារនេះ បានអនុវត្តនៅមន្ទីរពេទ្យបង្អែកខេត្តកោះកុង មណ្ឌលសុខភាព ព្រមទាំងសេវាសុខាភិបាលឯកជននានា ដោយផ្តោតលើការត្រួតពិនិត្យ អាជ្ញាបណ្ណ​ ដែនកំណត់វិជ្ជាជីវៈ និង ការអនុវត្តក្រមសីលធម៌វិជ្ជាជីវៈ របស់សមាជិកគណៈគិលានុបដ្ឋាក។

#CCN