- This event has passed.
ការអភិវឌ្ឍវិជ្ជាជីវៈបន្ត (CPD) តាមប្រព័ន្ធ Webinar ដើម្បីលើកកម្ពស់ភាពជាអ្នកមានវិជ្ជាជីវៈសម្រាប់គិលានុបដ្ឋាកកម្ពុជា។
June 27
Event Navigation

ការអភិវឌ្ឍវិជ្ជាជីវៈបន្ត (CPD) តាមប្រព័ន្ធ Webinar ដើម្បីលើកកម្ពស់ភាពជាអ្នកមានវិជ្ជាជីវៈសម្រាប់គិលានុបដ្ឋាកកម្ពុជា។
នាថ្ងៃទី២៧ ខែមិថុនា ឆ្នាំ២០២៦ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ អាណត្តិទី៣ បានអញ្ជើញជាអធិបតីក្នុងពិធីបើកកម្មវិធី អភិវឌ្ឍវិជ្ជាជីវៈបន្ត (Continuing Professional Development: CPD) តាមប្រព័ន្ធ Webinar ដែលរៀបចំដោយ ក្រុមប្រឹក្សាគណៈគិលានុបដ្ឋាកភូមិភាគទី១ តាមរយៈកម្មវិធី Zoom។
កម្មវិធីនេះត្រូវបានរៀបចំឡើងក្នុងគោលបំណងលើកកម្ពស់ការយល់ដឹងអំពីគុណតម្លៃ និងក្រមសីលធម៌វិជ្ជាជីវៈគិលានុបដ្ឋាក ពង្រឹងសមត្ថភាពវិជ្ជាជីវៈរបស់គិលានុបដ្ឋាក និងនិស្សិតគិលានុបដ្ឋាក ព្រមទាំងជំរុញការអភិវឌ្ឍវិជ្ជាជីវៈបន្ត ដើម្បីរួមចំណែកលើកកម្ពស់គុណភាពសេវាថែទាំ និងសុវត្ថិភាពអ្នកជំងឺនៅកម្ពុជា។
ក្នុងឱកាសនោះ លោក ខូវ ប្រុស អគ្គលេខាធិការនៃគណៈគិលានុបដ្ឋាកកម្ពុជា និងជាប្រធានផ្នែកថែទាំ នៃមន្ទីរពេទ្យជាតិតេជោសន្តិភាព បានធ្វើបទបង្ហាញក្រោមប្រធានបទ «ភាពជាអ្នកមានវិជ្ជាជីវៈសម្រាប់គិលានុបដ្ឋាកកម្ពុជា (Professionalism for Cambodian Nurses)» ដោយផ្តោតលើការពង្រឹងគុណតម្លៃ ក្រមសីលធម៌ ស្តង់ដាវិជ្ជាជីវៈ និងការអនុវត្តប្រកបដោយទំនួលខុសត្រូវ ដើម្បីធានាបាននូវការផ្តល់សេវាថែទាំប្រកបដោយគុណភាព និងសុវត្ថិភាពជូនប្រជាពលរដ្ឋ។
កម្មវិធីនេះមានការចូលរួមពីគិលានុបដ្ឋាក និងនិស្សិតគិលានុបដ្ឋាកជាង ១,០០០នាក់ មកពីគ្រឹះស្ថានសុខាភិបាល និងគ្រឹះស្ថានបណ្តុះបណ្តាលនានាទូទាំងប្រទេស ដែលបានបង្ហាញពីការប្តេជ្ញាចិត្តរួមគ្នាក្នុងការអភិវឌ្ឍសមត្ថភាពវិជ្ជាជីវៈ និងលើកកម្ពស់ស្តង់ដារវិជ្ជាជីវៈគិលានុបដ្ឋាកនៅកម្ពុជា។













