🏥 ថ្ងៃទី៣ នៃសកម្មភាពចុះអភិបាលសេវាថែទាំគិលានុបដ្ឋាក ដើម្បីបន្តពង្រឹងគុណភាពសេវាសុខាភិបាល ក្រោមការដឹកនាំរបស់ក្រុមប្រឹក្សាគណៈគិលានុបដ្ឋាកខេត្តព្រៃវែង។

ដោយទទួលបានការអនុញ្ញាតពី លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ អាណត្តិទី៣ លោក វេង ភារៈ ប្រធានក្រុមប្រឹក្សាគណៈគិលានុបដ្ឋាកខេត្តព្រៃវែង បានដឹកនាំក្រុមការងារ បន្តចុះពិនិត្យ វាយតម្លៃ និងផ្តល់អនុសាសន៍លើការស្នើសុំបើកសេវាបន្ទប់ថែទាំជំងឺ។

📅 ថ្ងៃទី២០ ខែមីនា ឆ្នាំ២០២៦
📍 នៅស្រុកកញ្ច្រៀច ខេត្តព្រៃវែង

ក្រុមការងារ បានចុះអភិបាលនៅតំបន់ប្រតិបត្តិការសុខាភិបាល (OD) កញ្ច្រៀច ចំនួន ៣ ទីតាំង នៃបន្ទប់ថែទាំជំងឺ ដើម្បីធានាថា ការផ្តល់សេវាថែទាំគោរពតាមស្តង់ដារ បច្ចេកទេស និងក្រមសីលធម៌វិជ្ជាជីវៈ។

✨ គោលបំណងសំខាន់នៃការចុះអភិបាលនេះរួមមាន៖
• លើកកម្ពស់គុណភាពសេវាថែទាំ
• ពង្រឹងសុវត្ថិភាពអ្នកជំងឺ
• លើកកម្ពស់ការអនុវត្តវិជ្ជាជីវៈឲ្យមានស្តង់ដារខ្ពស់
• ឆ្លើយតបទៅនឹងតម្រូវការសុខាភិបាលក្នុងបរិបទបច្ចុប្បន្ន

📌 លទ្ធផល និងសកម្មភាពសំខាន់ៗក្នុងរយៈពេល ៣ ថ្ងៃ៖
ក្រុមការងារ បានផ្តល់ការណែនាំ និងបណ្តុះបណ្តាលបន្ថែមដល់សមាជិកគិលានុបដ្ឋាកដែលបានបើកបន្ទប់ថែទាំ អំពី៖
• ច្បាប់ស្តីពីការបង្កើត និងដំណើរការគណៈគិលានុបដ្ឋាក
• ក្រមសីលធម៌វិជ្ជាជីវៈគិលានុបដ្ឋាក
• ច្បាប់ស្តីពីអ្នកប្រកបវិជ្ជាជីវៈសុខាភិបាល
• នីតិវិធីចុះបញ្ជិកា និងបន្តអាជ្ញាបណ្ណវិជ្ជាជីវៈ
• វិន័យវិជ្ជាជីវៈ និងវិធានការផ្លូវវិន័យ
• ការអភិវឌ្ឍវិជ្ជាជីវៈជាប់លាប់ (CPD)
• តួនាទី និងភារកិច្ចរបស់គណៈគិលានុបដ្ឋាកកម្ពុជា ក្នុងការគ្រប់គ្រង និងត្រួតពិនិត្យ

💙 ការចុះអភិបាលនេះ បានចូលរួមយ៉ាងសំខាន់ក្នុងការធានាថា សេវាថែទាំគិលានុបដ្ឋាកនៅវិស័យឯកជន មានគុណភាព សុវត្ថិភាព និងគោរពតាមស្តង់ដារវិជ្ជាជីវៈ។

👉 រួមគ្នាកសាងប្រព័ន្ធសុខាភិបាលឯកជនឲ្យកាន់តែប្រសើរ មានគុណភាព និងមានទំនុកចិត្ត!

#CCN #NursingLeadership #PreyVengProvince #HealthcareQuality #PatientSafety #CPD #NursingCare